«Տղե՛րք, հայրենիքը ձեր կարիքն ունի». Տեր Եսայի քահանա Արթենյան

«Զինուժ» մեդիան հրապարակել է տեսանյութ, որում Տեր Եսայի քահանա Արթենյանը կոչով է հանդես գալիս։

Նա նշում է, որ մահը կարող է տանել կամ ստրկության, կամ ազատության. «Եթե մահից վախենում ենք. սա ստրկության ճանապարհն է։ Եթե կարողանում ենք մեր քաջությամբ, հայրենիքի համար պայքարով հաղթահարել մահվանը, ապա սա մեր ազատության գրավականն է»։

Տեր Եսայի քահանա Արթենյանն ասում է, որ Հայոց բանակը, հայ զինվորն այսօր իր սխրանքով, իր քաջությամբ կերտում է ազատության ճանապարհը՝ յուրաքանչյուրիս համար. «Սիրելիներ, այսօր հայրենիքը բոլորիս համախմբման կարիքն ունի։ Այսօր յուրաքանչյուրս մեր պատասխանատվությունն ու առաքելությունն ունենք հայրենիքի ազատությունը կերտելու։ Այնպես որ, հայրենիքը բոլորիս կարիքն ունի»։