Դեռ 28 հոգի անազատության մեջ է. Ռուբեն Մելիքյանը հանրայնացրեց բոլոր ձերբակալվածների անունները

«Իմ իրավապաշտպանական 6 տարվա գործունեության մեջ ընդամենը երկու դեպք է  եղել անբարոյականության խորությամբ, որոնցից մեկը Արցախի քաղաքապետերի գործերն են»,-Սուրբ Աննա եկեղեցու բակում ասաց իրավապաշտպան Ռուբեն Մելիքյանը՝ անդրադառնալով Մարտակերտի և Ստեփանակերտի քաղաքապետերի մեքենաները հաշվառման վերցված չլինելու հիմքով կալանավորումներին։

Նա տեղեկացրեց, որ մեքենաները տարել են հատուկ պահպանվող տարածք և հիմա «Նոյի թվի» գործեր են ուզում կարել` մեքենաները երկար պահելու համար:

Ռուբեն Մելիքյանը հարթակից հնչեցրեց 28 քաղաքացիների անունները, որոնք ձերբակալվել են ԱԳՆ շենքի դիմաց ոստիկանների կողմից իրականացված սադրանքի հետևանքով: Նա ընթերցեց նաև «Հինգ իրավապաշտպանների նախաձեռնության» հինգ և մնացած 13 փաստաբանների անունները։

Նա տարակուսեց, որ Ոստիկանների կողմից իրեր էին նետում ժողովրդի վրա և հարցրեց «գործագործ» են խաղում։

Մելիքյանը այլանդակություն համարեց Դանիել սարկավագի նկատմամբ վերաբերմունքը, երբ ոստիկանները ծաղրել են, ասել են «հայր սուրբ, հայր սուրբ» ու հարվածել, բայց և ուրախ լուր հայտնեց, որ նրան արդեն ազատել են:

«Եթե մինչև գիշեր կալանավորվածներին չկանչեն քննչական գործողությունների, ապա 90 % վստահություն ունենք որ վաղը, երբ 72 ժամը լրանա, նրանք ազատ են արձակվելու»,- ասաց Մելիքյանը, հույս հայտնելով, որ քննչական կոմիտեն դաղալություն չի անի։

Ավելին՝ տեսանյութում: