կարևոր
2113 դիտում, 3 շաբաթ առաջ - 2024-05-27 16:32
Քաղաքական

Ոստիկանությունը կատարում է ուղիղ Ալիևի հրահանգները․ Դաշնակցությանը ետ չեն պահի պայքարից․ Իշխան Սաղաթելյան

Լկտիությունն հասել է այն աստիճանի, որ առավոտյան ոստիկանության կազմակերպված հանցագործ մի խումբ փորձ էր անում մոտք գործել «Սիմոն Վրացյան» կենտրոն՝ բերման ենթարկելու մարդկանց։ Այս մասին լրագրողների հետ զրույցում նշել է ՀՅԴ Հայաստանի ԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանը՝ ընդգծելով, որ թույլ չեն տվել ոստիկաններին մտնել շենք։ «Սա հանցագործություն է, որն անպատասխան և անպատիժ չի մնալու։ Ոստիկանությունը պետք է հասկանա, որ կատարում է ոչ թե ցեղասպանության հանցակից, հանցագործ Նիկոլ Փաշինյանի հրահանգները, այլ ուղիղ Ալիևի հրահանգները։ Եվ այս պարագային Փաշինյանը Ալիևի հրահանգներն է փոխանցում նրանց»։ Ընդդիմադիր գործիչը հավելեց, որ հաղորդում է ներկայացվել ՀՀ գլխավոր դատախազություն, միջազգային կառուցներին տեղյակ է պահվել։

Առավոտյան՝ ոստիկանության 6 տասնյակից ավելի ծառայողներ փորձել են ներխուժել ՀՅԴ «Սիմոն Վրացյան» կենտրոն, սադրելով և հարձակվելով գրասենյակ անօրինական մուտքն արգելող կուսակցության ղեկավար անդամների նկատմամբ: Երեք տասնյակ ոստիկաններ շրջապատել էին ՀՀ ԱԺ «Հայաստան» խմբակցության պատգամավոր, ՀՅԴ Հայաստանի ԳՄ նախագահ Աշոտ Սիմոնյանին, հարվածում էին պատգամավորին ու քաշքշում։

Մանրամասն՝ տեսանյութում