Ինչպես է Կանադայի հայ համայնքը ծափերով և երախտիքով հրաժեշտ տալիս Բագրատ Սրբազանին՝ Կանադայի թեմում նրա 10-ամյա ծառայության ավարտից հետո

Ահա այսպես հայ համայնքը Բագրատ Սրբազանին հրաժեշտ տվեց՝ Կանադայի թեմում իր 10-ամյա ծառայությունն ավարտելուց հետո։ Ֆեյսբուքյան իր էջում հրապարակած տեսանյութին կից գրել է կոմպոզիտոր Վահրամ Սարգսյանը:

«Մոնրեալի Սբ. Գրիգոր Լուսավորիչ առաջնորդանիստ եկեղեցի, 16 Հունիս, 2013 թ.»,- գրել է նա:

Նշենք, որ 2003 թ. մայիսի 31-ին Կանադահայոց թեմի 20-րդ պատգամավորական ժողովում Տեր Բագրատ Գալստանյանը ընտրվել է Կանադայի հայոց թեմի առաջնորդ։ Նույն թվականի հունիսի 22-ին՝ Սուրբ Էջմիածնի տոնին, Ամենայն Հայոց կաթողիկոս Գարեգին Բ-ի կողմից ձեռնադրվել է եպիսկոպոս։ Առաջնորդության տարիներին բարեգործության նպատակով հիմնել է «Հայ տուն» կազմակերպությունը՝ անօգնական տարեցներին և հիվանդներին օգնելու, ինչպես նաև Իրաքից պատերազմի պատճառով Կանադա գաղթած իրաքահայերին աջակցելու համար, կազմավորել երիտասարդական խմբեր, մանկական երգչախումբ և այլն։

2012 թ. Մոնրեալի Կոնկորդիայի համալսարանում պաշտպանել է աստվածաբանության և կենսաբանական բարոյագիտության դոկտորական թեզ (M.A) «Հայաստանի Առողջապահական Համակարգը. պատմական, սոցիալական և աստվածաբանական եզրաշերտը, անցյալը, ներկան և ապագայի զարգացման հեռանկարը» վերնագրով։

Կանադահայոց թեմում Գալսանյանը խոնարհաբար ծառայել է մինչև 2013 թ.-ը: