Խոշտանգման այդ դեպքով վարչախումբը բացեց «Օվերտոնի պատուհանը», որը բումերանգի էֆեկտ է ունենալու․ Սերգեյ Հարությունյան

Yerkir.am-ի հետ զրույցում փաստաբան Սերգեյ Հարությունյանն ասաց, որ ընդդիմադիր հայացքներով քաղաքացու՝ Սամվել Վարդանյանի նկատմամբ կատարված խոշտանգման դեպքով, գործող վարչախումբը բացեց «Օվերտոնի պատուհանը», որը, ըստ փաստաբանի, բումերանգի էֆեկտ է ունենալու։

« Մոռանում են, որ ամեն ինչ տիեզերքում պտտվում և վերադառնում է։ Այն, ինչը կատարվեց, բոլոր սահմաններից դուրս էր․ նմանատիպ վախ կարող էր ունենալ  քաղաքացին, երբ գերի է ընկնում ադրբեջանական զորքին,  իսկ հիմա, երբ քաղաքացին, որը բերման է ենթարկվում  կամ որին հրավիրում են ոստիկանություն, գնալու է այն մտավախությամբ, որ կարող են իրեն խոշտանգել», -ասաց փաստաբան Սերգեյ Հարությունյանը։

Նրա խոսքով՝ Սամվել Վարդանյանին  ուղեկցող ոստիկանները պետք է անմիջապես ձերբակալվեին և ցուցմունք տային առ այն, թե դեպքը ոնց կատարվեց։ Ըստ Սերգեյ Հարությունյանի՝ կատարվածը կազմակերպված էր․ «Վստահ եմ, որ խոշտանգողները նաև իրավապահներ են եղել»,-ասաց մեր զրուցակիցը։

Մանրամասն՝ տեսանյութում։