|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Թուրքիայի գերագույն ընտրական խորհուրդը (YSK, ԿԸՀ) տեղական ինքնակառավարման մարմինների ընտրություններից հետո երկրի արևելքում ընթացող լայնածավալ ակցիաներից հետո ընդունել է քրդամետ DEM կուսակցության հայտը։ Տեղեկությունը հայտնում է «A Haber» հեռուստաալիքը:
«Գերագույն ընտրական խորհուրդն ընդունել է Վանի վերաբերյալ հայտը։ Այսպիսով` Աբդուլլա Զեյդանը (DEM կուսակցությունից) մանդատ կստանա Վանում», - ասվում է հաղորդագրությունում։
Հիշեցնենք` թուրքական մի քանի քաղաքներում զանգվածային բողոքի ալիք էր բարձրացրել, երբ ընտրական հանձնաժողովը որոշել էր օրինական չճանաչել Վան նահանգում անցկացված ընտրությունների արդյունքները, որոնցում հաղթել է քրդամետ DEM Parti-ի թեկնածու Աբդուլլա Զեյդանը:
Իշխանությունները հույս ունեին մանդատը տալ իշխող «Արդարություն և զարգացում» կուսակցության (AKP) թեկնածուին։
Այժմ տարածաշրջանում գործում է զանգվածային ակցիաների 15 օրվա արգելք, բայց Զեյդանի կողմնակիցներին դա չէր խանգարել։ Ոստիկանությունը ցույցերը ցրում էր ջրցան մեքենաներով, իշխանությունները հայտնում են մոտ 100 ձերբակալվածի մասին: