ՌԴ Բելգորոդի մարզում ԱԹՍ–ն հարվածել է գյուղին. կան զոհեր և վիրավորներ

Բելգորոդի մարզի Գրայվորոնսկի քաղաքային օկրուգի Ռոժդեստվենկա գյուղի վրա ուկրաինական կամիկաձե դրոնների հարձակման հետեւանքով երկու մարդ Է զոհվել, մեկը ՝ վիրավորվել: Այս մասին իր Telegram-ի ալիքում հայտնել է նահանգապետ Վյաչեսլավ Գլադկովը։

Նշվում է, որ վնասվել է 2 միավոր շինարարական տեխնիկա։

Հիշեցնենք, որ ուկրաինական զորքերը պարբերաբար գնդակոծում և տարբեր միջոցներով, այդ թվում՝ ԱԹՍ-ների միջոցով, գրոհում են ՌԴ սահմանամերձ շրջանները, մասնավորապես՝ Բելգորոդի, Բրյանսկի, Կուրսկի և Վորոնեժի մարզերում:

Ռուսաստանը ռազմական գործողություն է սկսել Ուկրաինայում 2022 թվականի փետրվարի 24-ին։ Նախագահ Վլադիմիր Պուտինն այն անվանել է «այն մարդկանց պաշտպանություն, որոնք ութ տարի շարունակ ենթարկվում են ծաղրուծանակի, ցեղասպանության Կիևի ռեժիմի կողմից»։ Դրա համար, նրա խոսքով, նախատեսվում է իրականացնել «Ուկրաինայի ապառազմականացում և ապազգայնացում», դատի տալ բոլոր ռազմական հանցագործներին, որոնք պատասխանատու են Դոնբասի «խաղաղ բնակիչների դեմ արյունալի հանցագործությունների» համար:

Ի պատասխան՝ Արևմուտքի երկրները լայնածավալ պատժամիջոցներ են սահմանել Ռուսաստանի դեմ։