Փաշինյանն իր արարողակարգի պատասխանատուներին շորերից արագ է փոխում

Օրերս Նիկոլ Փաշինյանի որոշմամաբ Սուրեն Վարոսյանն ազատվեց վարչապետի արարողակարգի պատասխանատուի պաշտոնից: Նա այդ պաշտոնում էր 2021 թվականի օգոստոսից, իսկ նույն թվականի սեպտեմբերից էլ համատեղութամբ ստանձնել էր վարչապետի աշխատակազմի արարողակարգի բաժնի պետի պարտականությունները:

Ինչպես մնացած պետական կառույցներում, այստեղ ևս 2018-ից ի վեր մի շարք նշանակումներ և պաշտոնանկություններ եղան: Նույն մարդիկ մի քանի անգամ նշանակվեցին, հետո ազատվեցին: Ինչպես մնացած դեպքերում, այս ոլորտում ևս հանրությունը չիմացավ, թե կոնկրետ ինչ թերացումների համար են լինում պաշտոնանկությունները:

Այսպես, ներկայացնենք՝ Նիկոլ Փաշինյանի նշանակումից հետո ովքեր են եղել այս պաշտոններում:

2018-ի հունիսի 11-ին Ալեքսանդր Մխիթարյանը նշանակվել է վարչապետի արարողակարգի պատասխանատու: Ապա շուրջ մեկ տարի անց՝ 2019-ի ապրիլի 2-ի որոշմամբ ազատվել է պաշտոնից:

2019-ի հուլիսի 17-ին Վահե Հակոբյանը նշանակվել  է վարչապետի արարողակարգի պատասխանատու, ապա 2021 թվականաի օգոստոսին ազատվել զբաղեցված պաշտոնից:

Մանվել Ավետիսյանը ստանձնում է 2018 -2020թթ Վարչապետի աշխատակազմի արարողակարգի բաժնի պետի պաշտոնը: 2020 թվականից այդ պաշոտնը զբաղեցրել է Էդուարդ Հարությունյանը, որն աշխատանքից ազատվել է 2021 թվականի սեպտեմբերին։ Այդ ժամանակից սկսած արարողակարգի բաժնի պետի պարտականությունները կատարում էր բաժնի պատասխանատու Սուրեն Վարոսյանը։

Իսկ 2023 թ. սեպտեմբերի 22-ից Վարչապետի աշխատակազմի արարողակարգի բաժնի պետի պաշտոնում նորից նշանակվում է Մանվել Ավետիսյանը: