Հարկավոր է բոլոր պատասխանատուներին պատասխանատվության ենթարկել. վարչապետ

Կառավարության այսօրվա նիստում սպորտի և երիտասարդության հարցերի փոխնախարար Արսեն Քարամյանը կառավարությունից նախարարության համար գնման գործընթաց կազմակերպելու թույլվություն խնդրեց:

Սակայն, փոխնախարարի խոսքով, Սերժ Սարգսյանի մրցանակի համար «Հաշմանդամություն ունեցող լավագույն մարզիկ» մրցույթի անցկացում, «ՀՀ մարզերում և ԼՂՀ-ում հանրապետական մարզական փառատոնի անցկացում», «Նախազորակոչային և զորակոչային տարիքի երիտասարդության հանրապետական ռազմամարզական խաղերի անցկացում» ծրագրերի, ինչպես նաև տրանսպորտային միջոցների տեխնիկական սպասարկման ծառայությունների մասով հնարավոր չի եղել պահպանել որոշման պահանջը: Քարամյանը նշեց, որ նախարարության կողմից առ այսօր նման իրավիճակ չէր ստեղծվել, և այդ ծրագրերի իրականացումն ունի խիստ կարևոր նշանակություն նախարարության բնականոն գործունեության ապահովման համար:

Այս կապակցությամբ վարչապետն արձագանքեց. «Հարկավոր է բոլոր պատասխանատուներին պատասխանատվության ենթարկել»: