կարևոր
2578 դիտում, 4 ամիս առաջ - 2024-01-19 23:13
Հասարակություն

Վաղը մեկնարկում է բուհերի ընդունելության 2024 թ.-ի 1-ին՝ ձմեռային փուլը

Վաղը մեկնարկում է բուհերի ընդունելության 2024 թ.-ի 1-ին՝ ձմեռային փուլը

Հունվարի 20-ին «Հայոց լեզու և գրականություն» առարկայի միասնական քննությամբ մեկնարկում է բուհերի ընդունելության 2024 թվականի 1-ին՝ ձմեռային փուլը, հայտնում է ԳԹԿ մամուլի քարտուղար Խաչանուշ Գրիգորյանը։

Քննությունները տեղի են ունենալու առաջիկա 3 շաբաթ-կիրակի օրերին: Վաղը հանրապետությունում գործելու է 43 քննական կենտրոնից 30-ը: Դրանցից 24-ը մարզերում են, 6-ը՝ մայրաքաղաքում:

«Հայոց լեզու և հայ գրականություն» հայտագրել է 3228 դիմորդ, 2512-ը՝ մարզերում և 718-ը՝ Երևանում:

Մայրաքաղաքի թիվ 135 հիմնական, 155 հիմնական, 168 հիմնական, թիվ 170 ավագ և 189 ավագ դպրոցների քննական կենտրոններում քննություն է հանձնելու 120-ական դիմորդ, թիվ 190 ավագ դպրոցում ՝ 118: