Կոլումբիայի նախկին նախագահը երախավորություն է ներկայացրել Արմեն Աշոտյանի համար․ Հայկ Մամիջանյան

Դատարանը քննարկում է՝ ՀՀԿ փոխնախագահ Արմեն Աշոտյանի կալանքը փոխելու վերաբերյալ միջնորդությունը: Դատական նիստից առաջ լրագրողների հետ զրույցում «Պատիվ ունեմ» խմբակցության ղեկավար Հայկ Մամիջանյանն ասաց․ « Սա դատական նիստ չէ սա, այլ՝ Փաշինյանի պատանեկան վախերի իրացումն է։ Փաստաբանական թիմը դիմելու է խափանման միջոցի փոփոխության համար։ Ինչպես նախորդ, այնպես էլ այս անգամ ներկայացված է երաշխավորների լայն սպեկտոր․ Կոլումբիայի պաշտոնաթող նախագահ, Կենտրոնամետ Դեմոկրատների միջազգային միության նախագահ Անդրես Պաստրանան, ԵԱՀԿ ԽՎ նախկին նախագահ, Վրաստանի նախկին ԱԳՆ, «Եվրոպական Վրաստան» կուսակցության քաղ.խորհրդի նախագահ Գեորգի Ծերեթելին, ՀԱԿ փոխնախագահ Լևոն Զուրաբյանը, ՀՀ ԱԺ նախկին նախագահ, նախկին վարչապետ Խոսրով Հարությունյանը, «Ժառանգություն» կուսակցության հիմնադիր Րաֆֆի Հովհաննիսյանը, ՀՀ ԱԺ պատգամավորներ՝ Աղվան Վարդանյանը, Ասպրամ Կրպեյանը, Գեղամ Մանուկյանը, Աննա Մկրտչյանը, Տիգրան Աբրահամյանը, Հայկ Մամիջանյանն Արմեն Աշոտյանի համար երաշխավորություն են ներկայացրել»:

Հիշեցնենք, որ Աշոտյանը և Երևանի Հերացու անվան բժշկական համալսարանի նախկին ռեկտոր Միքայել Նարիմանյանը մեղադրվում են բուհին պատկանող մոտ 100 հազար դոլարի գույք հափշտակելու մեջ: Նրանց մեղադրում են «Ծովասար» հյուրանոցային համալիրի քոթեջները ուռճացված գներով (հաջորդած «ատկատներով») ձեռք բերելու համար այն ժամանակահատվածում, երբ ՀՀԿ փոխնախագահը գլխավորել է բուհի հոգաբարձուների խորհուրդը:

Մանրամասն՝ տեսանյութում։