|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Եվրահանձնաժողովը Ուկրաինային է փոխանցել 1,5 միլիարդ եվրոյի չափով վերջին` դեկտեմբերի տրանշը 2023 թվականի մակրոֆինանսական օգնության ծրագրի շրջանակներում։ «Արմենպրես»-ի փոխանցմամբ՝ այդ մասին հայտնել է ԵՀ ղեկավար Ուրսուլա ֆոն դեր Լայենը։
«Այսօր մենք փոխանցում ենք 1,5 միլիարդ եվրոյի չափով վերջին տրանշը 2023 թվականին Ուկրաինային տրամադրվող 18 միլիարդ եվրոյի մեր օգնության փաթեթից» ,- գրել է նա X սոցիալական հարթակի իր էջում:
Եվրահանձնաժողովի նախագահը հավելել է, որ հարկավոր է համաձայնության հասնել՝ Ուկրաինային տրամադրելու անհրաժեշտ աջակցությունը վերակառուցվելու և բարեփոխումներ իրականացնելու համար։
ԱՄՆ-ում և ԵՄ-ում դժվարություններ են առաջացել՝ կապված Ուկրաինային ֆինանսական օգնության տրամադրման հետ։ ԱՄՆ կոնգրեսն արգելափակել է 60 միլիարդ դոլարի ռազմական աջակցության փաթեթը, իսկ Հունգարիան արգելափակել է 50 միլիարդ եվրոյի ԵՄ ֆինանսական աջակցության տրամադրումը Կիևին։