կարևոր
1819 դիտում, 3 ամիս առաջ - 2023-12-18 16:49
Քաղաքական

Այս իշխանության հիմնական զենքը սուտն է. Լեւոն Քոչարյան

ԱԺ «Հայաստան» խմբակցության պատգամավորները հերթական այցով Գեղարքունիքի մարզում էին: Պատգամավորներ Իշխան Սաղաթելյանը,  Լեւոն Քոչարյանը, Աղվան Վարդանյանը, Ագնեսա Խամոյանը, Աննա Գրիգորյանը, Էլինար Վարդանյանը, Քրիստինե Վարդանյանը և Արման Ղազարյանն  այցելել եցին  Գեղամասար, Կութ եւ Սոթք համայնքներ, հանդիպեցին  համայնքի բնակիչներին , լսեցին  նրանց մտահոգությունները, բարձրաձայնած խնդիրներն ու  պատասխանեցին համայնքի բնակիչների հարցերին:

Իհարկե, ուրախ եմ այստեղ գալու համար, սակայն վերջին տարիներին շատ մեծ ցավ եմ ապրում, հատկապես՝  ճանապարհին տեսնելով դեպի Ստեփանակերտ տանող ցուցանակը, թե՝ որտեղ էինք  ու ի՞նչ վիճակում հայտնվեցինք… Ցավոք, 5 տարի է եւ ավել, որ գրեթե շատ բաների մասին  խոսվել է, զգուշացվել է, որ այն քայլերը, որոնք արվում են, ուր են տանելու եւ մեծ ցավով, հիմա արձանագրում ենք, որ դրանց մի մասն իրականություն է դարձել եւ նույնիսկ ավելի վատ, քան կարող էինք մտածել. հիմա իշխանությունը փորձում է համոզել, որ  այդքան կորուստներ եղավ, բայց լավ է լինելու, նույնն անում էին պատերազմից հետո, նույնն ասում են հիմ ա ՝ ամեն ինչ կապելով «խաղաղության պայմանագիր» կոչված երեւույթի հետ, համոզված եմ, որ այս իշխանության մնալու դեպքում շատ ավելի վատ է լինելու: Այս մասին Սոթքում, դահլիճային հանդիպման ժամանակ ասաց «Հայաստան» խմբակցության պատգամավոր Լեւոն Քոչարյանն 

Այստեղ գալիս, Գեղամասարի բնակիչների հետ ունեցած զրույցի ժամանակ  մեկն ասաց՝ «նենց են ծռել ամեն ինչ, որ ուղղելուց կարող է ջարդվի»,  ես համոզված եմ, որ  կարելի է նախ  չթողնել , որ ավելի շատ ծռվի, երկրորդ քայլով էլ՝ ամեն ինչն ուղղել առանց ջարդելու՝  ճիշտ մարդկանց, ճիշտ թիմի, նախկին սխալները ճիշտ գնահատելու  եւ հետագայում թույլ չտալու միջոցով. դա իսկապես հնարավոր է:

«էս իշխանության հիմնական զենքը, իմ խորին համոզմամբ, սուտն է. իրենք խնդիր չունեն ստի հետ, ստում են եւ չեն ամաչում ստելուց՝ մարդկանց մոլորեցնելով , ականջահաճո , բայց ոչ իրատեսական բաներ հրամցնելով: Մեր խնդիրն է  ձեր՝ հասկացող ու վճռական մարդկանց օգնությամբ փորձել  այդ սուտը կոտրել , եթե կարողանանք այս ստի շղթան կոտրել  շատ բան մեր մոտ կստացվի»,-ասաց Լեւոն Քոչարանը:

Մանրամասն՝ տեսանյութում։