կարևոր
1837 դիտում, 2 ամիս առաջ - 2023-11-28 10:54
Քաղաքական

Ստորագրվել է Երևանում նոր ճանապարհահատված կառուցելու վարկային համաձայնագիրը

Ստորագրվել է Երևանում նոր ճանապարհահատված կառուցելու վարկային համաձայնագիրը

Երևանում տրանսպորտային մեծ հոսքերը կանոնակարգելու և խցանումները նվազեցնելու նպատակով կկառուցվի նոր՝ Իսակով-Արշակունյաց ճանապարհահատվածը: Այն իրար կկապի մայրաքաղաքի երեք վարչական շրջանները՝ հնարավորություն ստեղծելով զգալիորեն կրճատել առկա ճանապարհը:

«Նախագիծը կյանքի կոչելու նպատակով ՀՀ ֆինանսների նախարարության, Երևանի քաղաքապետարանի ու Ասիական զարգացման բանկի միջև ստորագրեցինք վարկային և ծրագրի իրականացման համաձայնագրերը:

Սա քաղաքային ենթակառուցվածքների զարգացմանն ուղղված ևս մեկ կարևոր քայլ է, որը կիրականացնենք միջազգային մեր գործընկերների հետ համատեղ»,– տեղեկացրել է Երևանի քաղաքապետ Տիգրան Ավինյանը ֆեյսբուքի իր էջում: