Դադիվանքի քահանաների հետ կապը կտրվել է, հայտնի է, որ նրանք նույնպես դուրս են եկել վանքից

Դադիվանքի վանական համալիրից քահանաների հետ կապը կտրվել է։ Տարբեր աղբյուրներից «Փաստինֆոյին» հայտնեցին, որ Դադիվանքի քահանաները նույնպես դուրս են եկել վանքից։

Մեր տեղեկություններով՝ քահանաները դեռ Ստեփանակերտում են և օգնում են Արցախում մնացած անձանց Հայաստան տեղափոխության կազմակերպմանը։

Հայտնի է միայն, վանական համալիրում ծառայություն իրականացրած սարկավագներից 2-ը տեղափոխվել են Հայաստան։

Հիշեցնենք` 44-օրյա պատերազմից հետո Դադիվանքը հայտնվեց կողմերի սահմանազատման գծի մոտ։ Կառույցը վերահսկում են ռուս խաղաղապահները։ Հայ հոգևորականները շարունակում էին Դադիվանքում իրենց հոգևոր ծառայությունը՝ ռուս խաղաղապահների ուղեկցությամբ։

2020 թվականի նոյեմբերի 9-ի եռակողմ հայտարարությունից հետո ՌԴ նախագահ Վլադիմիր Պուտինը հայտարարել էր, թե Դադիվանքն ու Սուրբ Ամենափրկիչ Ղազանչեցոց եկեղեցին իր անձնական պաշտպանության տակ են լինելու...