կարևոր
5173 դիտում, 5 ամիս առաջ - 2023-09-29 12:59
Քաղաքական

Հայկ Մարությանը հայտարարել է ավագանու առաջին նիստին չմասնակցելու որոշման մասին

Հայկ Մարությանը հայտարարել է ավագանու առաջին նիստին չմասնակցելու որոշման մասին

«Ազգային առաջընթաց» կուսակցության քաղաքապետի թեկնածու Հայկ Մարությանը հայտարարել է Երեւանի ավագանու առաջին նիստին չմասնակցելու որոշման մասին։

Պատճառնն այն է, որ «Հանրային ձայն» կուսակցության ավագանու երկու անդամ ինքնաբացարկի դիմում չի ներկայացրել, որոնցից մեկը գտնվում է կալանքի տակ, իսկ մյուսը հետախուզման մեջ, հետեւապես ավագանիում այս կուսակցությունը կունենա 5 անդամ, որի պարագայում ընդդիմությունը չկարողանա քաղաքապետ ընտրել։

«Մնում է մեկ տարբերակ՝ գնալ ավագանու նոր ընտրությունների, իսկ դա անելու համար պետք է ընդամենը ներկա չգտնվենք անդրանիկ՛ նիստին, որ քվորում չապահովվի ու քաղաքապետ չընտրվի»,- նշել է Մարությանը։

Հիշեցնենք, որ «Մայր Հայաստանը» դաշինքն եւս հայտարարել է ավագանու նիստին չմասնակցելու որոշման մասին։