Շարունակում եք լռել, պահել ու պաշտել Նիկոլին՝ Ձեր վախերի, անհայրենիք, կեղծ ու վաճառված լինելու պատճառով. արձագանք` ՔՊ֊ական պատգամավորին

ՀՅԴ Շիրակի Մարզային կոմիտեի ներկայացուցիչ, ՀՀ ԱԺ «Հայաստան» խմբակցության պատգամավոր Մհեր Մելքոնյանը գրում է.

«Հայրենավաճառ ՔՊ-ական խմբակի ներկայացուցիչների չափից դուրս սուտն ու երևակայությունը վաղուց ոչ մեկին չի զարմացնում։

Իմ մոտ տպավորություն է ստեղծվել, որ նրանցից շատերն իրականում չեն հասկանում, թե ինչ է կատարվել և կատարվում ...

Ձեր քաղաքական առաջնորդը հանձնել է Արցախը, դավաճանել հազարավոր արցախահայերին․․․

Իսկ դուք շարունակում եք լռել, պահել ու պաշտել Նիկոլին՝ Ձեր վախերի, անհայրենիք, կեղծ ու վաճառված լինելու պատճառով։

Այսօր մեր թշնամիների հեռացրեցին Շուշիի լեգենդար տանկը, սկսեցին Արցախի ՊԲ-ի զինաթափումը, Ստեփանակերտում մարդիկ հերոսների հուշատախտակից հանում են իրենց զոհված հարազատների նկարները, իսկ Շիրակի մարզը ներկայացնող ՔՊ-ական պատգամավոր Կարեն Սարուխանյանը խոսում է պետությունից, պետականությունից և ինքնիշխանությունից։

Մարդ չգիտի՝ ծիծաղի, թե լաց լինի․․․

Ձեր հակահայկական քայլերը վաղուց հատել են բարոյականության և ամոթի բոլոր սահմանները․․․․»: