02 05 2024
|
||
---|---|---|
EUR | ⚊ | 416.21 |
GBP | ⚊ | 486.55 |
GEL | ⚊ | 144.68 |
RUB | ⚊ | 4.16 |
USD | ⚊ | 388 |
Ռուսաստանի կողմից Հայաստանում հեղաշրջում նախապատրաստելու մասին տեղեկությունները կեղծ են. ՌԴ ԱԳՆ պաշտոնական ներկայացուցիչ Մարիա Զախարովան այսպես է արձագանքել ԶԼՄ-ներում հայտնված նման հաղորդագրություններին։ Այս մասին գրում է iz.ru-ն:
«Ինչի՞ հիման վրա են արվել այդ հայտարարությունները, որտե՞ղ են փաստերը։ Հայաստանն այնքան էլ մեծ բնակչություն չունի և հավանաբար այդ մարդկանց կնկատեին: Այս ամենը առասպել է։ Ես սա կարող եմ դասակարգել որպես տեղեկատվական լցոն»,- նշել է Զախարովան ի պատասխան լրագրողի այն մեկնաբանության, որ իբր «Վագներ» խմբի մոտ 3000 անդամ Հայաստանում է և պատրաստվում է տապալել վարչապետ Նիկոլ Փաշինյանին:
ՌԴ ԱԳՆ պաշտոնական ներկայացուցիչը հավելել է, որ այդ հաղորդագրություններին նույն գնահատականն արդեն տվել է Դաշնային խորհրդի միջազգային հարաբերությունների հանձնաժողովի նախագահ Գրիգորի Կարասինը, որի խոսքով՝ դա «սուտ է, անհեթեթություն»։