կարևոր
2368 դիտում, 7 ամիս առաջ - 2023-09-12 13:17
Քաղաքական

Ադրբեջանը շարունակում է Լաչինի միջանցքի բացման համար պայմաններ առաջադրել

Ադրբեջանը շարունակում է Լաչինի միջանցքի բացման համար պայմաններ առաջադրել

Ադրբեջանը դարձյալ Լաչինի միջանցքը բացելու համար պայմաններ է առաջադրել՝ նշելով, որ Կարմիր խաչի միջազգային կոմիտեի համար Լաչինով բեռների փոխադրումը հնարավոր կլինի, եթե բացվի Աղդամ-Ստեփանակերտ ճանապարհը։ Այս մասին հայտնել է Ադրբեջանի ԱԳՆ խոսնակ Այխան Հաջիզադեն։

Հաջիզադեն նշել է, որ ադրբեջանական կողմը պատրաստ է պայմաններ ստեղծել ԿԽՄԿ-ի միջոցով Լաչինի սահմանային անցակետով բեռների փոխադրման համար՝ սահմանային և մաքսային ընթացակարգերին համապատասխան՝ Աղդամ-Ստեփանակերտ  ճանապարհի օգտագործմանը զուգահեռ։

Նա  անդրադարձել է Աղդամ-Ստեփանակերտ ճանապարհով Ռուսաստանի Կարմիր խաչի միջոցով հումանիտար օգնության տեղափոխմանը Լեռնային Ղարաբաղ՝ դա անվանելով «դրական քայլ և կարևոր առաջընթաց այդ ճանապարհի բացման ուղղությամբ»։