27 04 2024
|
||
---|---|---|
EUR | ⚊ | 416.29 |
GBP | ⚊ | 485.57 |
GEL | ⚊ | 145.08 |
RUB | ⚊ | 4.22 |
USD | ⚊ | 388.08 |
Ուկրաինան, չնայած Ռուսաստանի սպառնալից հայտարարություններին, կստանա F-16 կործանիչներ։ Այս մասին հինգշաբթի Twitter-ում գրել է Ուկրաինայի արտգործնախարար Դմիտրի Կուլեբան։
«Ռուսաստանի համար միակ սպառնալիքն ուկրաինացի զինվորն է: Ահա թե ումից պետք է ամենից շատ վախենան Պուտինն ու իր շրջապատը: Ուկրաինան F-16-ը կստանա ըստ ժամանակացույցի: Ռուսաստանը դա կուլ կտա՝ չնայած Լավրովի ասածներին», - նշել է Կուլեբան:
Նրա մեկնաբանությունը հնչել է ի պատասխան ՌԴ արտգործնախարար Սերգեյ Լավրովի հայտարարության առ այն, որ Ռուսաստանն Ուկրաինային արևմտյան F-16 կործանիչներ տրամադրումը դիտարկելու է որպես «միջուկային սպառնալիք» և «իրադարձությունների ծայրահեղ վտանգավոր զարգացման օրինակ»:
«Մենք տեղեկացրել ենք միջուկային պետություններին՝ Միացյալ Նահանգներին, Բրիտանիային և Ֆրանսիային, որ Ռուսաստանը չի կարող անտեսել այդ ինքնաթիռների միջուկային զենք կրելու հնարավորությունը»,- ասել է Լավրովը։