Ազգային միավորման 4 սկզբունք․ Էդգար Էլբակյան

Քաղաքագետ, «Հայկական նախագիծ» ծրագրի համահիմնադիր Էդգար Էլբակյանը գրում է.

«Ազգային միավորման 4 սկզբունք

• Հայաստանում ի դեմս դե-ֆակտո իշխանությունների հաստատված է թուրքական բռնապետություն։ Վերջինից ազատագրվելը ենթադրում է լրիվ այլ գործիքակազմ, քան խաղաղ ժամանակների սովորական ներքաղաքական պայքարը։

• Թուրքական բռնապետության դեմ հաջողելու առաջին քայլն ազգային-ազատագրական պայքարի պատրաստ ուժերի լիակատար միավորումն է մեկ գաղափարական դրոշի ներքո։ Այդ դրոշի վրա պետք է գրված լինեն մի քանի հիմնարար սկզբունքներ, որոնք կդառնան պայքարի իմաստն ու գաղափարը՝

1. Արցախը Հայաստան է և պետք է վերաազատագրվի։

2. Հայաստանի հարատևման միակ գրավականը մոբիլիզացիոն տիպի պետություն լինելն է։

3. Ցեղասպանության և Հայ Դատի հարցում պահանջատիրությունն անժամանցելի է և պետք է իրականացվի Հայաստանի կողմից։

4. Հայաստանը հայկակա՛ն պետություն է, որ գոյություն ունի հայկական էթնիկ, քաղաքական, մշակութային ինքնության գոյատևման և զարգացման պայմաններ ապահովելու համար, ուստի՝ քաղաքական Սփյուռքը և Հայաստանն անխզելի են»։