կարևոր
4786 դիտում, 1 տարի առաջ - 2023-03-10 11:26
Քաղաքական

Արայիկ Հարությունյանը պետք է հստակ հայտարարի՝ իր նշած ադրբեջանական պահանջների մասին ի՞նչ դիրքորոշում է հայտնել Նիկոլ Փաշինյանը․ Տիգրան Աբրահամյան

Արայիկ Հարությունյանը պետք է հստակ հայտարարի՝ իր նշած ադրբեջանական պահանջների մասին ի՞նչ դիրքորոշում է հայտնել Նիկոլ Փաշինյանը․ Տիգրան Աբրահամյան

ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը գրում է.

«Արցախի նախագահը պետք է հստակ հայտարարի, թե իր նշած ադրբեջանական պահանջների մասին ի՞նչ դիրքորոշում է հայտնել Նիկոլ Փաշինյանը:

Նախօրեին, երբ Հարությունյանը հայտարարեց, որ Ադրբեջանը պահանջում է ինտեգրացիա` հակառակ դեպքում սպառնալով ուժի կիրառմամբ, ի՞նչ է խոսել այդ թեմայով Փաշինյանի հետ և ի՞նչ է վերջինս նրան ասել:

Այնպես չէ, որ փաշինյանական իշխանության մոտեցումներն անհայտ են, սակայն նշածս թեման` Հարությունյան-Փաշինյան զրույցի վերաբերյալ, պետք է հանրայնացվի` ի՞նչ վերջնական եզրահանգման են եկել, եկել ե՞ն, թե՞ ոչ: Ի՞նչ է ի պատասխան արձագանքել Արցախի նախագահը:

Այս թեմայի հետ կապված արդեն իսկ որոշ տեղեկություններ առկա են, սակայն դրանց մասին պետք է խոսի Արայիկ Հարությունյանը»: