կարևոր
2905 դիտում, 1 տարի առաջ - 2023-01-25 15:33
Քաղաքական

Թբիլիսիի պետական համալսարանի նախկին ռեկտորը նշանակվել է ՀՀ–ում Վրաստանի դեսպան

Թբիլիսիի պետական համալսարանի նախկին ռեկտորը նշանակվել է ՀՀ–ում Վրաստանի դեսպան

Իվանե Ջավախիշվիլիի անվան Թբիլիսիի պետական համալսարանի նախկին ռեկտոր Գեորգի Շարվաշիձեն նշանակվել է Հայաստանում Վրաստանի դեսպան։ Վրաստանի վարչապետ Իրակլի Ղարիբաշվիլին իր առաջին հանդիպումն է անցկացրել դիվանագետի հետ: Ինչպես գրում է ՏԱՍՍ-ը, այս մասին հայտնել է Վրաստանի կառավարության մամուլի ծառայությունը։

«Վրաստանի վարչապետ Իրակլի Ղարիբաշվիլին հանդիպել է ՀՀ-ում Վրաստանի նոր արտակարգ և լիազոր դեսպան Գեորգի Շարվաշիձեի հետ։ Վարչապետը շնորհավորել է դիվանագետին նոր պաշտոնում նշանակվելու կապակցությամբ և հաջողություններ մաղթել հետագա գործունեության մեջ», - ասվում է հաղորդագրությունում:

Շարվաշիձեն ԹՊՀ ռեկտորի պաշտոնը զբաղեցրել է 2016-2022 թվականներին։ Մինչ այդ նա աշխատել է Վրաստանի կրթության և գիտության նախարարությունում, այդ թվում՝ առաջին փոխնախարարի պաշտոնում։ Շարվաշիձեն մանկավարժական գիտությունների թեկնածու է, Եվրոպական ակադեմիայի գործող անդամ, մի շարք մենագրությունների և գիտական հոդվածների հեղինակ է։