Կիևում ձմռանն առանց ջեռուցման մնալու վտանգ են տեսնում

Կիևը կարող է այս ձմռանը մնալ առանց ջերմության, հնարավոր է մի քանի օր կամ շաբաթ ջեռուցումը անջատվի: «Экономической правдa»-ին տված հարցազրույցում այս մասին հայտարարել է Կիևի վարչակազմի փոխնախագահ Պյոտր Պանտելեևը:

«Դա կապված է ոչ թե գազի դեֆիցիտի կամ տեխնոլոգիական հարցերի հետ, այլ այն բանի հետ, որ թշնամին խոցում է մեր ենթակառուցվածքային օբյեկտները, ոչնչացնում էներգետիկ օբյեկտները», - հավելել է պաշտոնյան:

Խոսելով ձմռանը Կիևի ջեռուցման մասին ՝ Պանտելեևը հույսեր է կապել շարժական կաթսաների հետ, որոնք քաղաքը ակնկալում է ստանալ երկու ամսվա ընթացքում։ Դրանք կօգտագործվեն սոցիալական օբյեկտների վթարային ջեռուցման համար։

Պանտելեևը բացատրել է, որ քաղաքային իշխանությունները հիմնական խնդիրներ ունեն ոչ թե կաթսայատների վառելիքի, այլ էլեկտրաէներգիայի պակասի հետ: