կարևոր
3463 դիտում, 1 տարի առաջ - 2022-10-05 23:13
Քաղաքական

Ի՞նչ են պայմանավորվելու Փաշինյանն ու Էրդողանը հոկտեմբերի 6-ին. դիտարկում

Ի՞նչ են պայմանավորվելու Փաշինյանն ու Էրդողանը հոկտեմբերի 6-ին. դիտարկում

Հոկտեմբերի 6-ին Նիկոլ Փաշինյանը հանդիպելու է Ռեջեփ Էրդողանի հետ։ 2018թ․ սեպտեմբերի 28-ին Իլհամ Ալիևի տված խոստումը վերջապես իրականանում է, նա վերջապես կազմակերպեց Նիկոլ Փաշինյան-Ռեջեփ Էրդողան պատմական հանդիպումը։

Հանձնելով Արցախի հարավային շրջանները, հանձնելով հատկապես Քարվաճառն ու Շուշին՝ այս մարդկանց գործարքով պետք է բացվի թուրքական պատուհանն ու ֆինանսական հոսք մտնի Հայաստան, լինի երկու երկրների շուկաների միաձուլում։ Ալիևը 2018-ի սեպտեմբերին խոստացել էր բարեխոսել Էրդողանի մոտ ու կազմակերպել Փաշինյան-Էրդողան հանդիպում։

Մենք գիտենք, թե Փաշինյանին ու նրա թիմին ինչ է պետք։ Փող բերել Հայաստան ու ապահովել ֆիզիկական անվտանգություն։ Այլ կերպ ասած՝ կուշտ ու երջանիկ։ Ազգային արժեքներն ու հայրենիքը սրանց համար գոյություն չունեն։

Իսկ մենք գիտե՞նք, թե ինչ է պետք Էրդողանին։

Դեռևս 2016-2017 թվականներին հրապարակված թուրքական թարմացված պլանը վերնագրված է․ Hedef 2023, 2053, 2071 (Նպատակ 2023, 2053, 2071)։

Էրդողանը չի թաքցնում, որ 2023-ից Թուրքիայի նպատակներում առաջին պլան է մղվելու մեր տարածաշրջանին ամբողջությամբ տիրանալն ու թուրքական զոնա սարքելը։

Ի՞նչ են պայմանավորվելու Փաշինյանն ու Էրդողանը հոկտեմբերի 6-ին։

Նաիրի Հոխիկյան

Լրագրող, մեդիափորձագետ