Երբ ծառայում են Նիկոլին, իրենց համար որևէ սրբություն այլևս գոյություն չունի․ Գեղամ Մանուկյան

ՀՀ  պաշտոնաթող տասնյակ բարձրաստիճան գեներալներից սկսած ՝ զինվորականներ, իրավապահ համակարգի վերետաններ  հաղորդում են տալիս, որ կարմիրբերետավորները բռնություն են  կիրառել Արցախյան ազատամարտի 3 պատերազմների մասնակից  պաշտոնաթող գնդապետի մասով․  ասաց Գեղամ Մանուկյանը՝  ԱԱԾ-ի դիմաց հավաքի ժամանակ։

«Երկու շաբաթ է անցել, բերանները ջուր առած՝ վեր ընկած  են։ Բանակը մեր երկրում 30 տարի եղել է փայփայանքի հիմնական առարկա։ Պետք է լուրջ ամոթանք  ասել բոլոր այն ուսակիր սպաներին,  որոնք տեսնում են՝ ինչ է կատարվում ու լռում են, և ովքեր եղել են դեռ երեխա, երբ այսօրվա բռնության ենթարկված գնդապետն  իր երիտասարդ  կյանքը «Սիսական» ջոկատում կարող էր վտանգել, բայց նրանք աչք են փակում, թե ինչպես է կարմիր գլխարկը դրած  ինչ-որ մի թերուս բռնություն գործադրում»,- նշեց նա։