ՏԵՍԱՆՅՈՒԹ․ Հալալ է ձեր կամքին, վճռականությանը․ Ի․ Սաղաթելյանն ամփոփեց առավոտյան ակցիաները և ասաց անելիքը

Այսօր ևս մեկ անգամ փաստեցինք՝ երբ միասին ենք, պինդ ենք, երբ մեր առջև խնդիր ենք դնում, այդ խնդիրը լուծելի է՝ ըստ Yerkir.am-ի հայտարարեց ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանը Ֆրանսիայի հրապարակում, ուր վերադարձել էին «Դիմադրություն» շարժման մասնակիցները ՀՀ արտգործնախարարության շենքն առավել քան 4 ժամ շրջափակման մեջ պահելուց հետո։

 «Մի բան հստակ է՝ այն պետական կառույցները, որոնք չեն սպասարկում Հայաստանի Հանրապետության և հայ ժողովրդի շահերը, դրանց գործունեությունը պետք է արգելափակել, խոչընդոտել և դրանով ցույց տալ ժողովրդի կամքը և հասնել ամբողջական երկիշխանության»,-ասաց Իշխան Սաղաթելյանը։

Նա վերահաստատեց, որ այսօր երեկոյան ժամը 19։00 Սասունցի Դավթի արձանի մոտ կսկսվի հանրահավաքը, որից հետո անհանզանդության երթով կշարժվեն Ֆրանսիայի հրապարակ։

Մանրամասն՝ տեսանյութում․