ՏԵՍԱՆՅՈՒԹ․ Ասֆալտի վրա չենք փռելու, ձեզ փռելու ենք ասֆալտի տակ․ զոհված հերոս Վաչագան Մանուկյանի հայր

Որդիս ու ընկերները Շուշիում մնացել են առանց զինամթերքի, որովհետև չի կարելի, որ ոչխարը լինի առյուծներին առաջնորդ՝ ըստ Yerkir.am-ի Ֆրանսիայի հրապարակում իշխանությունների հրաժարականի հանրային պահանջը ձևակերպելու ակցիայի ժամանակ ասաց 44-օրյա պատերազմում զոհված հերոս Վաչագան Մանուկյանի հայրը՝ Խաչիկ Մանուկյանը։

Նա հայարարեց, որ հավաքվել են՝ փշրելու ստի իրականությունը։

«Ասում են՝ ում եք բերելու, արա՛ սպասեք՝ սրանց ռադ անենք, հո իրար գիրկ չենք նստեցնելու, մեկին կբերենք, հլա սպասեք՝ սրանց ռադ անենք»,-ասաց Խաչիկ Մանուկյանը։

Ասֆալտի վրա չենք փռելու, ձեզ փռելու ենք ասֆալտի տակ՝ նշեց նա։

Նշենք, որ ՀՅԴ Հայաստանի ԳՄ ներկայացուցիչ Իշխան Սաղաթելյանը նախօրեին հայտարարել էր, որ այսօր Նիկոլ Փաշինյանը լինելու է ԱԺ-ում և պետք է հավաքվել Ֆրանսիայի հրապարակում՝  ձևակերպելու այս իշխանությունների հրաժարականի հանրային պահանջը։ Արդեն երրորդ օրն է՝ Ֆրանսիայի հրապարակում, «Դիմադրություն» շարժման շրջանակում, արժանապատիվ քաղաքացիները գիշերում են վրաններում՝ պահանջելով ապազգային իշխանությունների հեռացումն ու Արցախի չհանձնումն Ադրբեջանին։ Զուգահեռ խաղաղ անհնազանդության ակցիաներ են տեղի ունենում ամբողջ հանրապետությունում․ մայրաքաղաքում ու մարզերում պարալիզացվում է երթևեկությունը, դասադուլ ու գործադուլ է անցկացվում։

Մանրամասն՝ տեսանյութում․