Ուկրաինան ԵՄ-ից հարյուրմիլիոնավոր դոլարների թուրքական զենք է խնդրել. Middle East Eye

Ուկրաինայի` ԵՄ-ից պահանջած սպառազինությունների ցանկը ցույց է տալիս, որ Կիևի հետաքրքրությունը թուրքական զենքի նկատմամբ գերազանցում է մարտական անօդաչու թռչող սարքերն ու արդեն իսկ մատակարարված զինամթերքը. հայտնում է Middle East Eye-ը։

Ուկրաինայի ցանկությունների ցանկը ներառում է մի քանի թուրքական հակաօդային պաշտպանության կարճ հեռահարության Korkut համակարգեր,  միջին հեռահարության HISAR-O ՀՕՊ համակարգերի ութ մարտկոց և 720 հրթիռ, էլեկտրոնային պատերազմի 17 MİLKAR տարբեր մոդիֆիկացիաների համակարգեր և 5 Anka-S անօդաչու թռչող սարքեր:

Թուրքական պաշտպանական արդյունաբերության փորձագետ Յուսուֆ Աքբաբան կարծում է, որ Թուրքիան ի վիճակի է մատակարարել պահանջվող համակարգերն ու սարքավորումները, սակայն կան որոշ վերապահումներ: «Որոշ պահանջներ անիրականալի են, օրինակ` HİSAR-ի 720 հրթիռները, քանի որ այդպիսի քանակությունն զինանոցում չկա: Կարծես թե Ուկրաինան պլաններ ուներ ստեղծելու բազմաստիճան հակաօդային պաշտպանության հովանոց՝ էլեկտրոնային պատերազմի աջակցությամբ հարվածային անօդաչու թռչող սարքերի հարձակողական գործողություններն ապահովելու համար»,- ասել է նա։