Ժողովուրդը Նիկոլ Փաշինյանի ձեռքից պետք է վերցնի իրենից խլած իշխանությունը. Արեգնազ Մանուկյան

Մեր պայքարի ակցիաները սկսելուց առաջ չէի պատկերացնում, որ աջակցությունը և ոգևորությունն այսքան մեծ է լինելու, և հիմա հաճելիորեն զարմացած եմ. Սարդարապատից քայլերթի ժամանակ ասաց «Հայաստան» խմբակցության պատգամավոր Արեգնազ Մանուկյանը:

«Հատկապես զարմացած եմ Արմավիրից, որովհետև մինչ այդ կարծիք կար, որ այստեղ ավելի շատ իշխանության կողմնակիցներն են, որովհետև ընտրություններում չգիտես, թե ինչ միջոցներով իրենք հաղթել են, այսինքն` ունեին աջակիցներ: Բայց այս երթի ընթացքում տեսնելով մարդկանց ոգևորությունը` հասկանում ես, որ երկրում բեկում կա: Հիմա մարդիկ իսկապես հասկացել են, որ այս իշխանությունները եկել են սուտ լոզունգներով, շարունակել են այս տարիների ընթացքում բոլոր հարցերում ստել»,- ասաց նա:

Հիշեցնենք, որ այսօր` ժամը 18։30-ին, նախատեսվում է նաև «Դիմադրություն» շարժման իրազեկման երթ Երևանում: Մեկնարկը` Արամ Մանուկյանի արձանի մոտից:

Ավելին՝ տեսանյութով