Ըստ Ռուսաստանի` Երևանի ու Բաքվի դիրքորոշումները Ուկրաինայի հարցում հավասարակշռված են

Մոսկվան նշում է Բաքվի և Երևանի հավասարակշռված դիրքորոշումն Ուկրաինայի հարցում. նույնիսկ աննախադեպ արտաքին ճնշման և հակառուսական արշավի պայմաններում գործընկերները կառուցում են ազգային շահերի վրա հիմնված քաղաքականություն. ասել է ՌԴ ԱԳՆ-ի ԱՊՀ երկրների չորրորդ վարչության տնօրեն Դենիս Գոնչարը «ՌԻԱ Նովոստի»-ին տված հարցազրույցում։

«Մենք նշում ենք մեր ադրբեջանցի և հայ գործընկերների հավասարակշռված դիրքորոշումը Ուկրաինայի շուրջ ստեղծված իրավիճակի և դրա հետ կապված Արևմուտքի աննախադեպ հակառուսական արշավի վերաբերյալ։ Մենք քաջ գիտակցում ենք արտաքին ուժերի ճնշումը, որին բախվում են Ադրբեջանի և Հայաստանի ղեկավարությունը, և մենք բարձր ենք գնահատում այն փաստը, որ և՛ Բաքվում, և՛ Երևանում արտաքին քաղաքականություն կառուցելիս առաջնորդվում են առաջին հերթին սեփական ազգային շահերով»,- ասել է դիվանագետը։