Ուկրաինայի դեպքերը ցույց տվեցին Թուրքիայի կարևորությունը. Էրդողան

Թուրքիան դեռևս դիտարկում է Եվրամիությանն անդամակցելու իր ռազմավարական նպատակը և ակնկալում կոնկրետ քայլեր ԵՄ-ին իր լիիրավ անդամակցության համար։ Այս մասին երկուշաբթի հայտարարել է Թուրքիայի նախագահ Ռեջեփ Թայիփ Էրդողանը տարբեր երկրների դեսպանների հետ իֆթարի ժամանակ:

«Վերջին իրադարձություններն, Ուկրաինայի համատեքստում, հստակ ցույց տվեցին Թուրքիայի կարևորությունը ՆԱՏՕ-ում։ Թուրքիայի համար ԵՄ անդամակցությունը մնում է ռազմավարական նպատակ: Պատերազմի բացասական հետևանքները համաշխարհային մասշտաբով ցույց են տվել Թուրքիայի ռազմավարական նշանակությունը ԵՄ-ի համար, հատկապես՝ անվտանգության և էներգետիկայի ոլորտում։ Ես ակնկալում եմ, որ ԵՄ-ն կոնկրետ և բովանդակալից քայլեր կձեռնարկի՝ հիմնված մեր լիիրավ անդամակցության հեռանկարի վրա»,- ընդգծել է նա: