Նիկոլ Փաշինյանի առաջարկած խաղաղությունը աղախնություն է թուրքերի առաջ․ Արմեն Աշոտյան

Հին ժամանակներից մեզ հասել է մեկ ճշմարտություն՝ «եթե խաղաղություն ես ուզում, պատրաստվիր պատերազմի»։ Ամբողջ աշխարհը մտածում է այս կատեգորիաներով, բայց Հայաստանի վարչապետ Նիկոլ Փաշինյանը, պարզվեց, նոր մտածող է եւ առաջարկում է նոր բանաձեւ՝ «ուզում ես խաղաղություն, պարտվիր պատերազմը»։ Այս մասին ապրիլի 5-ին լրագրողների հետ զրույցում ասաց Հանրապետական կուսակցության փոխնախագահ Արմեն Աշոտյանը։

Նա նշեց, որ պատերազմում պարտվելը չի կարող խաղաղություն ապահովել։ «Խաղաղության կարելի է հասնել միայն այն դեպքում, եթե դու՝ որպես պետություն, գոնե կարողանաս քեզ պաշտպանել։ Հակառակ դեպքում՝ Ադրբեջանը, Թուրքիան եւ մնացած բոլորը կօգտվեն ստեղծված իրավիճակից»,- ընդգծեց Աշոտյանը։