Ադրբեջանը Դուբայի միջազգային ցուցահանդեսին ներկայացել է «Շուշա. Ադրբեջանի մշակութային մայրաքաղաք» գրությամբ պաստառներով

ԱՄԷ-ի Դուբայ քաղաքում շարունակվում են «Էքսպո-Դուբայ-2020» համաշխարհային ցուցահանդեսը, ինչպես նաև «Ամենամյան ներդրումային համաժողով-2022» միջոցառումը, որին մասնակցելու համար այնտեղ է մեկնել ՀՀ փոխվարչապետ Համբարձում Մաթևոսյանը։

«Էքսպո-Դուբայ-2020»-ի հայկական տաղավարում ներկայացված են Հայաստանի պատմամշակութային գրավչությունները, «Ուրբաթագիրքը», «Նարեկը» և այլն։

Իսկ Ադրբեջանը բաց չի թողել «Էքսպոն» հակահայկական միջոցառում դարձնելու առիթը. այսպես` այդ երկրի տաղավարը նվիրված է Արցախից զավթված Շուշի բերդաքաղաքի վերաբերյալ կեղծարարությանը։ Ադրբեջանցիներն իրենց տաղավարում տեղակայել են պաստառներ՝ «Շուշա. Ադրբեջանի մշակութային մայրաքաղաք» վերտառությամբ։