ԱՄՆ-ն ակտիվացրել է միջուկային պատերազմի համար նախատեսված TACAMO համակարգը

Միջուկային պատերազմի ժամանակ կապի կառավարման համակարգի 4 ինքնաթիռ է բարձրացվել երկինք:  ԱՄՆ-ում ակտիվացվել է TACAMO համակարգը:

TACAMO-ն Միացյալ Նահանգների ռազմական համակարգ է՝ արտակարգ կապուղիներով, որոնք նախատեսված են միջուկային պատերազմում կիրառվելու համար՝ որոշում կայացնողների և ռազմավարական միջուկային զենքի մատակարարման եռյակի միջև հաղորդակցությունը պահպանելու համար:

«Կա՛մ Իսրայելի ռազմաօդային ուժերի կողմից Իրանի վրա միջուկային հարձակում է պատրաստվում, կա՛մ TACAMO համակարգի ուսումնական մեկնարկ է»,- գրել է ռուս ռազմական թղթակից Յուրի Կոտենոկը:

Նշենք, որ Իսրայելը շարունակում է ենթարկվել երկրի պատմության մեջ ամենամեծ կիբերհարձակմանը։ Պետական կայքերը, ինչպես նաև ենթակառուցվածքային օբյեկտների մի մասում խափանումներ են տեղի ունենում:

Որոշ աղբյուրներ գրում են ցանկացած պահի Իսրայելի կողմից Իրանի վրա ռազմական հարձակման հնարավորության մասին: