Facebook-ն ու Instagram-ը թույլատրել են ռուսների նկատմամբ բռնության կոչեր

Facebook-ը և Instagram-ը ժամանակավորապես թույլ կտան բռնության կոչերը ռուսների նկատմամբ (եթե հաղորդագրությունները լինեն Ուկրաինայի իրադարձությունների համատեքստում)։

«Սոցիալական ցանցը նաև ժամանակավորապես թույլատրում է որոշ հաղորդագրություններ, որոնք մահվան կոչեր են պարունակում Ռուսաստանի նախագահ Վլադիմիր Պուտինի կամ Բելառուսի նախագահ Ալեքսանդր Լուկաշենկոյի դեմ»,- հայտնում է Reuters-ը:

META-ն պաշտոնապես մեկնաբանել է այն լուրերը, որ Facebook-ը և Instagram-ը թույլատրում են բռնության կոչեր ռուսների նկատմամբ.

«Ռուսաստանի` Ուկրաինա ներխուժումից հետո մենք ժամանակավորապես շտկեցինք քաղաքական արտահայտվելու ձևը, որը, սովորաբար, խախտում է մեր կանոնները։ Դրանք ագրեսիվ հայտարարություններ են, օրինակ՝ «Մահ ռուս օկուպանտներին»։ Եվ մենք, ինչպես նախկինում, չենք հանդուրժի Ռուսաստանի քաղաքացիների նկատմամբ բռնության կոչերը»,- ասվում է հայտարարության մեջ։