Ճապոնական Japan Tobacco ընկերությունը դադարեցնում է ռուսական շուկայում նոր ներդրումները

Ճապոնական Japan Tobacco կորպորացիան՝ աշխարհում ծխախոտի խոշորագույն արտադրողներից մեկը, դադարեցնում է ռուսական շուկայում նոր ներդրումները: Այս մասին ասված Է կորպորացիայի կայքում հրապարակված հայտարարության մեջ։

«Մենք դադարեցնում ենք բոլոր նոր ներդրումները, ինչպես նաեւ մարքեթինգային գործունեությունը Ռուսաստանում, - ընդգծվում Է Japan Tobacco-ի հաղորդագրության մեջ: - Քանի դեռ գործարար միջավայրը և աշխարհաքաղաքական իրավիճակը զգալիորեն չեն բարելավվել, Մենք չենք կարող բացառել երկրում արտադրական ողջ գործունեության կասեցման հնարավորությունը»։

Japan Tobacco-ն ավելի վաղ դադարեցրել էր իր ձեռնարկության աշխատանքը Ուկրաինայի կենտրոնական մասում գտնվող Կրեմենչուգ քաղաքում:

Ռուսաստանում Ճապոնական ծխախոտի հսկան ունի չորս գործարան, ներառյալ Սանկտ Պետերբուրգում եւ Դոնի Ռոստովում պատրաստի արտադրանքի երկու գործարան, ինչպես նաեւ մոտ 70 գրասենյակներ եւ ենթաբաժանումներ: