Արևմուտքը Հայաստանի կոլաբորացիոնիստներին «ժողովրդավարության լիգայում» տեղ է տալիս, դրա դիմաց ստանում Հայաստանի ազգային ամբիցիաներն ու հողերը. քաղաքագետ

Զարմանալի է Հայաստանի գահը զավթածների հասցեին հնչող հռետորական հարցը՝ «բա ներսում հոխորտում եք, դրսում խի՞ եք խելոք»։ Այս մասին թելեգրամի իր ալիքում գրել է քաղաքագետ Էդգար Էլբակյանը:

«Բա կոլաբորացիոնիստները հենց դրանք են։ Նրանք հանձնում են երկրի ամբողջ ինքնիշխանությունն ու անկախությունը երկրի արտաքին թշնամիներին, դրա դիմաց վերջիններից ստանում են երկրի ներսում անսահմանափակ ադմինիստրատիվ իշխանություն։

• Եվրոպացի գաղութարարները աֆրիկացի ցեղապետերին մեծ զանգուլակներ էին նվիրում, դրա դիմաց ցեղապետերն իրենց ցեղակիցներից ամենաուժեղներին զատում և տալիս էին այդ եվրոպացիներին՝ ստրկության։

• Արևմուտքն էլ (ներառյալ՝ Թուրքիան) Հայաստանի կոլաբորացիոնիստներին «ժողովրդավարության լիգայում» տեղ է տալիս, դրա դիմաց ստանում Հայաստանի ազգային ամբիցիաներն ու հողերը՝ ստրկական «խուրդման»»,- գրել է Էլբակյանը։