«Մեզ մի՛ մոռացեք». Զուրաբիշվիլին դժգոհել է, որ 2008 թվականի հակամարտությունից հետո Վրաստանը չի ընդունվել ԵՄ

Վրաստանի նախագահ Սալոմե Զուրաբիշվիլին կարծում է, որ ԵՄ-ն պետք է արագացնի քայլերը երկրին միություն ընդունելու հարցում։

Բրիտանական Financial Times թերթին տված հարցազրույցում նա ասել է, որ ուկրաինական իրադարձությունները «հնարավորությունների պատուհան» են ստեղծել ԵՄ-ի համար՝ ընդունելու հարեւան երկրներին, որոնք ձգտում են դառնալ Միության մաս:

«Մեզ պետք չէ (ՌԴ-ին) հասցնել այն մտքին, որ կան թույլ կողմեր, որոնց ոչ ոք չի պաշտպանում… (ԵՄ) Պետք է ճանապարհ գտնի՝ արձագանքելու մեր երկար սպասմանը: Թույլ տանք զգալ, որ մենք ընտանիքի մի մասն ենք»,- ասել է Վրաստանի նախագահը։

Զուրաբիշվիլին ողջունել է «ուժեղ Եվրոպայի» ի հայտ գալը՝ Ուկրաինայում ստեղծված իրավիճակի ֆոնին, սակայն նշել է, որ ԵՄ-ն չկարողացավ նույն վճռականությունը դրսևորել 2008 թվականին Վրաստանի հակամարտությունից հետո։

«Մենք սպասել ենք այնքան ժամանակ, որքան Ուկրաինան… Մենք նույն ճանապարհին ենք, մեզ հետ պետք է հաշվի նստել… Մեզ չպետք է մոռանան»,- հավելել է նա: