Օկուպացված տարածքները մեզ համար բաց վերք են. Զուրաբիշվիլին` Բաքվում

Մենք միասին ենք վերադարձրել անկախությունը և վերջին տարիներին վերապրել նմանատիպ ողբերգություններ` այն, ինչը կոչվում է` օկուպացված տարածք, երբ երկրի տարածքային ամբողջականությունը դեռ չի վերականգնվել: Այդ մասին Բաքվում Ադրբեջանի նախագահ Իլհամ Ալիևի հետ հանդիպման ժամանակ ասել է Վրաստանի նախագահ Սալոմե Զուրաբիշվիլին. հայտնում է apsny.ge-ն:

«Օկուպացված տարածքները այսօր էլ մեզ համար բաց վերք են, որը մի կողմից խանգարում է մեր զարգացմանը, սակայն, մյուս կողմից, չնայած այդ ողբերգություններին, մենք կարողացանք ամրապնդել և զարգացնել մեր պետությունները, զարգացնել տնտեսությունը և շարունակել մեր ուղին` որպես անկախ երկիր: Դա փոքր հաջողություն և հաղթանակ չէ»,- ասել է նա: