Ադրբեջանը և Հայաստանը կհասնեն խաղաղության պայմանագրի. Ալիև

Ադրբեջանի նախագահ Իլհամ Ալիևը հայտարարել է, որ հավատում է Բաքվի և Երևանի միջև հարաբերությունների կարգավորմանը։

«Կարծում եմ, որ ղարաբաղյան երկրորդ պատերազմի ավարտից հետո Հայաստանի հետ հարաբերությունները նույնպես կկարգավորվեն։ Ամեն դեպքում՝ մենք պաշտոնապես հայտարարել ենք Հայաստանի հետ խաղաղության պայմանագիր կնքելու՝ մեր ցանկության մասին։ Հավանաբար, ինչ-որ փուլում դա տեղի կունենա, բայց ներկայիս աշխարհաքաղաքական իրողություններում մենք պետք է իրատես լինենք, չպետք է ցանկանանք այն, ինչին հնարավոր չէ հասնել, այլ պետք է շարժվենք դեպի Կովկասում կայուն խաղաղություն հաստատելու ճանապարհով»,- ասել է Ադրբեջանի ղեկավարը։