Լավ չե՞ք, ինչպե՞ս կարող է որևէ հայ հույս հայտնել, որ նոյեմբերի 9-ի դրույթները կիրականացվեն. Ա. Խաչատրյանը՝ իշխանությանը

Եթե ուզում եք հասկանալ այս իշխանությունների անսկզբունքայնության և անտրամաբանականության աստիճանը, նայեք արտաքին գործերի նախարարությանը։ Նոյեմբերի 9-ի գիշերը, գաղտնի բունկերում թաքնված Փաշինյանը հայտարարեց, որ ծանր որոշում է կայացրել։ Պարտադրված քայլը նա հիմնավորեց էլ ավելի մեծ կորուստներից խուսափելու անհրաժեշտությամբ։ Իսկ ԱԳՆ խոսնակը փետրվարի 23-ին հայտարարում է․ «Հուսով ենք, որ Մոսկվայում ս.թ. փետրվարի 22-ին ստորագրված հռչակագիրը լրացուցիչ հնարավորություն կընձեռի առաջ մղելու Հայաստանի, Ռուսաստանի և Ադրբեջանի ղեկավարների կողմից ընդունված եռակողմ երեք հայտարարությունների դրույթների իրականացումը։» Լա՞վ չեք։ Ինչպե՞ս կարող է որևէ բանական հայ հույս հայտնի, որ նոյեմբերի 9-ի դրույթներն կիրականացվեն։ Մարդ էլ իր ստորագրած կապիտուլյացիոն հայտարարության հետ հույսեր կապի՞։ Սենց որ գնա, մի քանի ամսից սրանք նոյեմբերի 9-ի կապիտուլյացիան որպես թավշյա Հայաստանի հաղթանակ կներկայացնեն․․․

Արթուր Խաչատրյան

ՀՅԴ անդամ,

ՀՀ ԱԺ «Հայաստան» խմբակցության պատգամավոր