ԱԺ փոխնախագահը հանդիպել է ԱԺ֊ում իրենց ուսումնական փորձաշրջանն անցնող ուսանողների հետ

Փետրվարի 21-ին ՀՅԴ Հայաստանի Գերագույն մարմնի ներկայացուցիչ, Ազգային ժողովի փոխնախագահ Իշխան Սաղաթելյանը հանդիպել է Ազգային ժողովում իրենց ուսումնական փորձաշրջանը անցնող ուսանողների հետ։

Ապագա քաղաքագետների հետ զրույցում փոխնախագահն անդրադարձ է կատարել երկրի առջև ծառացած խնդիրներին և մարտահրավերներին:

Իշխան Սաղաթելյանն ուրախությամբ է արձանագրել, որ երիտասարդությունն ունի պետականության բարձր գիտակցում և անտարբեր չէ երկրում կատարվող իրադարձությունների նկատմամբ։

ԱԺ փոխնախագահը սիրով պատասխանել է ուսանողներին հետաքրքրող և' մասնագիտական հետաքրքրություններին, և' ընդհանուր քաղաքականությանն առնչվող հարցերին: