Եմենի հութիների ղեկավարությունը պաշտպանել է Դոնեցկն ու Լուգանսկը ճանաչելու որոշումը

Եմենում «Անսար Ալլահ» (հութի) ապստամբների շարժման ղեկավարությունը երկուշաբթի սատարել է Դոնեցկի և Լուգանսկի Ժողովրդական Հանրապետությունները ճանաչելու՝ Ռուսաստանի որոշմանը։

«Մենք աջակցում ենք Դոնեցկի և Լուգանսկի անկախ հանրապետությունների ճանաչմանը և կոչ անում զսպվածություն ցուցաբերել, չներքաշվել պատերազմի մեջ, որի նպատակն է սպառել Ռուսաստանի ներուժը»,- Թվիթերում գրել է Հութիների քաղաքական խորհրդի անդամ Մուհամմադ Ալի ալ Հութին:

Իրանամետ և Իրանի աջակցությունտ վայելող հութիները վերահսկում են Եմենի տարածքի մի մասը, ներառյալ՝ մայրաքաղաք Սանան։

Եմենում 2014 թվականի օգոստոսից ի վեր կառավարական ուժերի և ապստամբ զինված խմբավորումների միջև առճակատումը շարունակվում է։ Այն իր ամենաակտիվ փուլը թևակոխել էր 2015 թվականի մարտին՝ Սաուդյան Արաբիայի գլխավորած կոալիցիայի կողմից երկիր ներխուժմամբ։ Ավելի քան վեց տարվա հակամարտությունը հանգեցրել է աշխարհում ամենամեծ հումանիտար ճգնաժամին: ՄԱԿ-ի տվյալներով՝ ավելի քան 24 միլիոն եմենցի (երկրի բնակչության մոտ 80%-ը) հումանիտար օգնության կարիք ունի, իսկ ներքին տեղահանվածների թիվը գերազանցում է 3 միլիոնը։