Դոնեցկն ու Լուգանսկը ՌԴ ԶՈւ-ի աջակցությամբ անցել են հակահարձակման

Դոնեցկի և Լուգանսկի Ժողովրդական Հանրապետությունների ժողովրդական աշխարհազորայինները հակահարձակում են սկսել՝ ռուսական զորքերի կրակային աջակցությամբ. ըստ ՌԻԱ Նովոստիի՝ հայտարարել է ՌԴ ՊՆ խոսնակ Իգոր Կոնաշենկովը։ 

Նրա խոսքով՝ ԴԼԺՀ մարտիկներին հաջողվել է հետ մղել ագրեսիան և ճեղքել Ուկրաինայի զինված ուժերի շերտավոր և լավ զինված պաշտպանության առաջնագիծը։ Մասնավորապես,՝ Վոլնովախայի մոտ խմբավորումը առաջ է շարժվել երեք կիլոմետր, իսկ Շչաստիե քաղաքի մոտ գտնվող կազմավորումները՝ մեկուկես։

«Հետախուզական տվյալները ցույց են տալիս, որ Ուկրաինայի զինված ուժերի առանձին ստորաբաժանումներ և զինծառայողներ զանգվածաբար լքում են իրենց դիրքերը՝ թողնելով զենքերը։ Ուկրաինայի զինված ուժերի այն ստորաբաժանումների դիրքերը, որոնք վայր են դրել զենքերը, հարվածների չեն ենթարկվում»,- ասել է Կոնաշենկովը։