Կիևը հայտնել է 2 զոհի և 12 վիրավորի մասին

Վերջին օրվա ընթացքում՝ փետրվարի 21-ին, Դոնբասում հակառակորդի զորքերը հրադադարի պահպանման ռեժիմը խախտել են 84 անգամ։ Երկու զինվոր զոհվել է, ևս 12-ը՝ վիրավորվել, 6 զինվոր էլ ստացել է մարտական վնասվածքներ։ Այս մասին առավոտյան հաղորդագրության մեջ հայտնել են Ուկրաինայի օպերատիվ շտաբի մամուլի կենտրոնից։

Ըստ տեղեկությունների՝ վիրավորները գտնվում են զինվորական հոսպիտալներում։

«Շփման գիծը հատելիս արձանագրվել է նաև հակառակորդի անօդաչու թռչող սարք, հավանաբար՝ «Օռլան-10»։ Ընթացիկ օրվա ընթացքում Դոնբասում արձանագրվել է 3 խախտում, որից 2-ը ենթադրում է մինսկյան համաձայնագրերով արգելված զենքի կիրառում»,- ասվում է հաղորդագրությունում։