Ադրբեջանը Ռոբերտ Քոչարյանի ու Սերժ Սարգսյանի նկատմամբ հետախուզում է հայտարարել

Հայաստանի նախկին նախագահներ Ռոբերտ Քոչարյանը և Սերժ Սարգսյանը քրեական օրենսգրքի համապատասխան հոդվածներով քրեական պատասխանատվության են ենթարկվել և հետախուզման մեջ են. ադրբեջանական APA-ին տված հարցազրույցում ասել է Ադրբեջանի զինվորական դատախազության հատուկ քննչական բաժնի ղեկավար, արդարադատության ավագ խորհրդական Էմիլ Թաղիևը։

Նա ընդգծել է, որ իբր 1988 թվականի փետրվարից Քոչարյանն ու Սարգսյանը, «ադրբեջանցի և հայ ժողովուրդների միջև ազգային թշնամանք, ատելություն սերմանելու նպատակով քաղաքի հիմնարկներում և հաստատություններում ազգությամբ հայ աշխատողների հավաքներ էին անցկացնում»։

«Քանի որ նրանք քարոզում են, որ Ղարաբաղը պատկանում է հայերին, և այնտեղ պետք է ապրեն միայն հայերը, ինչպես նաև կոչ են անում վտարել ադրբեջանցիներին այս տարածքից, հրկիզել նրանց տները, քերական պատասխանատվության են ենթարկվել քրեական օրենսգրքի համապատասխան հոդվածներով  և նրանց նկատմամբ հետախուզում է հայտարարվել»,- ասել է Թաղիևը: