Ադրբեջանը հետախուզում է հայտարարել Սամվել Կարապետյանի, Արա Աբրահամյանի և Դավիթ Գալստյանի նկատմամբ

Ադրբեջանի գլխավոր դատախազությունը հետախուզում է հայտարարել ռուսաստանահայ գործարար և բարերար, «Տաշիր» ընկերությունների խմբի ղեկավար Սամվել Կարապետյանի, Ռուսաստանի հայերի միության նախագահ Արա Աբրահամյանի և Royalsys Engineering կազմակերպության սեփականատեր Դավիթ Գալստյանի (Պատրոն Դավո) նկատմամբ։

Թշնամական պետության դատախազության համաձայն՝ երեք հայ գործիչները, իբր, «ապօրինի զենք են տեղափոխել Լեռնային Ղարաբաղ»։

Այդ երկրի գլխավոր դատախազությունը իրավաբանական օգնության խնդրանք է ուղարկել օտարերկրյա պետությունների համապատասխան պետական մարմիններին, որ հայտարարվի միջազգային հետախուզում և նրանց նկատմամբ ընտրվի խափանման միջոց՝ կալանքի տեսքով։