Ռուսաստանն այս անգամ բլեֆ չի անում. Պենտագոնի ղեկավար

ԱՄՆ պաշտպանության նախարար Լլոյդ Օսթինը Ուկրաինա ներխուժելու Ռուսաստանի ծրագրերը բլեֆ չի համարում։ Այդ մասին ուրբաթ՝ փետրվարի 18-ին, գրում է ABC News-ը։

Նրա կարծիքով, Մոսկվան հարձակման համար ուժեր է պատրաստել և Ուկրաինայի հետ սահմանի մոտ տեղադրել «այն ամենն, ինչ անհրաժեշտ է հաջող ներխուժման համար»։

«Չեմ կարծում, որ դա բլեֆ է: Եթե նրանք զորքերը տեղափոխեին կայազորներ, մենք չէինք տեսնի այն ամենը, ինչ տեսնում ենք այս տարածաշրջանում՝ ոչ միայն ռազմական զենքեր, այլ նաև նյութատեխնիկական և բժշկական աջակցության միջոցներ, մարտական ինքնաթիռներ», - ասել է Օսթինը:

Միաժամանակ նա կրկնել է այն հայտարարությունը, թե «հարձակումը կարող է տեղի ունենալ կարճ ժամանակում»։