Զինված ուժերի ապահովման հարցը պետք է քննարկի Մելքոնյան Գագո՞ն․ Գեղամ Մանուկյան

Մենք ցանկացած օր իրավունք ենք ունենալու  ծանոթանալ  քննիչ հանձնաժողովի որևէ նիստի, որը  տեսաձայնագրվելու է, և որևէ մեկը, օրենքից բխող, մեզ չի կարողանալու արգելել․ ասաց «Հայաստան» խմբակցության պատգամավոր Գեղամ Մանուկյանը՝ ճեպազրույցի ժամանակ խոսելով իշխանական ուժի կողմից ձևավորված քննիչ հանձնաժողովի մասին, որը քննելու է 44-օրյա պատերազմի պատճառները։

«Այս հանձնաժողովն այսպիսի մեծամասնությամբ չի կարող օբյեկտիվ լինել։ Հանձնաժողովի փորձագետ է նաև նույն  Արծրուն Հովհաննիսյանի  բրիֆինգներից մեկի հայտնի հերոսներից։ Հիմա դուք ուզում եք օբյեկտիվ քննությո՞ւն։  Կետերից մեկով  սահմանել են՝  զինված ուժերի ապահովման թիկունքային սպառազինության հարցը  և այլն։ Զինված ուժերի ապահովման հարցը պետք է քննարկի Մելքոնյան Գագո՞ն, ՀՀ ԶՈւ  թիկունքի նախկին պե՞տը»,- ասաց Գեղամ Մանուկյանը։